Пайдаланыў шәртлери ҳәм жеке мағлыўмат сиясаты
1. Улыўма жағдайлар
Qaruy.uz (буннан былай — «Платформа») — Нөкис ҳәм Қарақалпақстан бойынша жылжымайтуғын мүлк (үй-жай) дизимин жәриялаў ушын арналған онлайн каталог. Платформа жайларды сатыў/сатып алыў, ижараға бериў/алыў процесинде тек мағлыўмат ортасы (посредник) болып хызмет етеди ҳәм тәреплер арасындағы келисимниң тәрепи болып есапланбайды.
2. Жарияламаны жайлаў
- Жарияламаны жайлаған пайдаланыўшы (буннан былай — «Жәриялаўшы») берген барлық мағлыўматтың (адрес, баҳа, майдан, сүўретлер, телефон ҳәм т.б.) ҳақыйқыйлығы ҳәм нызамлылығы ушын өзи толық жуўапкер.
- Жәриялаўшы тек өзине тийисли яки жәриялаўға нызамлы ҳуқықы бар мүлкти жайлаўы шәрт.
- Жалған, алдамшы, қайталанған, спам, ямаса нызамға қайшы (нашақор зат, қару ҳ.т.б.) мазмунды жайлаўға тыйым салынады.
- Барлық жарияламалар модерациядан өтеди. Платформа қәлеген жарияламаны себебин түсиндирместен қабыл етпеў, редакциялаў ямаса өшириў ҳуқықына ийе.
3. Жуўапкершиликтен бас тартыў
- Платформа жарияламалардағы мағлыўматтың дурыслығына, жайдың сапасына, тәреплердиң миннетлемелерин орынлаўына кепиллик бермейди.
- Тәреплер арасындағы мәмиле, төлем ҳәм даўлар ушын Платформа жуўапкер емес. Мәмиле алдында жайды өз көзиңиз бенен көрип, ҳүжжетлерди тексериўди усынамыз.
- Платформа техникалық үзилислер яки үшинши тәреп хызметлери (карта, хостинг) себепли жүзеге келген зыян ушын жуўапкер емес.
4. Жеке мағлыўматты қайта ислеў
- Жарияламаны жайлағанда сиз берген телефон номериңиз, адрес ҳәм сүўретлериңиз — жайды көрсетиў мақсетинде сайтта ҳәм апликацияда ашық түрде жәрияланады. Буның менен сиз буған келисим бересиз.
- Мағлыўматлар қорғалған сервисте сақланады. Оған тек модерация ушын Платформа администрациясы қатнаса алады.
- Биз мағлыўматыңызды үшинши тәреплерге сатпаймыз. Тек нызам талап еткен жағдайда тийисли уәкилликли органларға бере алады.
- Жарияламаңызды өшириў ямаса мағлыўматыңызды алып таслаў ушын оператор менен байланысың: +998 97 241 09 09.
5. Автор ҳуқықлары
Жарияламаны жайлаған пайдаланыўшы Платформаға сол мазмунды (сүўрет, тәрип) сайт ҳәм апликацияда көрсетиў ҳуқықын береди. Платформаның дизайны, логотипи ҳәм коды Qaruy.uz'ға тийисли.
6. Шәртлердиң өзгериўи
Платформа усы шәртлерди қәлеген ўақытта жаңалаў ҳуқықына ийе. Жаңаланған шәртлер усы бетте жәрияланған сәттен баслап күшке киреди. Платформадан пайдаланыўды даўам етиў — жаңа шәртлерге келисим болып есапланады.
YouTube
Платформада жайлардың YouTube видеолары көрсетиледи (YouTube API Services). Бул видеоларды көриў арқалы сиз YouTube Terms of Service ке келисесиз; Google Privacy Policy қолланылады.
The Platform displays YouTube videos and uses YouTube API Services. By using the Platform and watching these videos you agree to be bound by the YouTube Terms of Service. See also the Google Privacy Policy and our Privacy Policy.
7. Байланыс
Сораўлар бойынша: +998 97 241 09 09 · Telegram